Giyohli vositalar

         Giyohlar bilan davolash – ukraina meditsinasining qadimgi an’anasidir.

O‘tlar OIV/OITS bilan bog‘liq ko‘plab simpomlarni yengillashtiradi. Bunday vositalar immun tizimini mustahkamlab organizmdan oksinlarning chiqib ketishini ta’minlaydi.

Aloe (Aloe vera)

§  Antiseptik va yallig‘lanishga qarshi xususiyatlarga ega.

§  Barglaridagi gelsimon modda kichik kuyish jarohatlari va tilinishlarni davolashda, shuningdek, OIV-infeksiyasida ko‘p uchraydigan teri kasalliklari (masalan, gerpes yaralari) ni bartaraf etishda qo‘llaniladi.

§  Kuzatilishi mumkin bo‘lgan nojo‘ya ta’sirlar: sanchiqlar va ich ketish, yaralar va boshqa oshqozon-ichak kasalliklarining kuchayishi. Tinchlantiruvchi va peshob haydovchi vositalar qabul qilganda foydalanish tavsiya etilmaydi.

§  Dori vositasi sifatida suyuq ekstrakt ko‘rinishida, ampulalarga solingan holatda bo‘ladi.

Ginkgo (Ginkgo biloba)

§  Qon aylanishini tezlashtirishi mumkin. Ateroskleroz, xotira yo‘qolishi, dipressiyalar, impotensiya va qon aylanishi qiyinlashganda qo‘llaniladi. Ginkgodan OITS bilan bog‘liq demensiyalar va xotira yo‘qolishini davolash va ularning profilaktikasida foydalaniladi.

§  Kuzatilishi mumkin bo‘lgan nojo‘ya ta’sirlar: qonida trombotsitlari miqdori kam odamlar uchun, burundan qon ketganda va kuchli menstrual qon ketishlarda xavf tug‘dirishi mumkin. Antikoagulyant preparatlar qabul qilayotganda tavsiya etilmaydi. Aspirin, E vitamini yoki amprenavirning katta dozlari bilan aralashtirib iste’mol qilmaslik kerak. Boisi ularda qonni kamaytirish xususiyati mavjud.

§  Dori vositasi sifatida tabletka yoki tomchili ko‘rinishda mavjud.

Jenshen (Panax ginseng – koreys/osiyo jensheni, Panax quinquefolium – shimoliy amerika jensheni, Eleutherococcus senticosus – sibir jensheni)

§  Ildizi sog‘liqni mustahkamlash, immunitet ishlab chiqarish xususiyatiga ega deb hisoblanadi. Shuningdek, jismoniy va ruhiy toliqishni yo‘qotadi. Immun tizimi, ayniqsa, OIV-infeksiyasida susayadigan hujayra immunitetini kuchaytirishi mumkin.

§  Kuzatilishi mumkin bo‘lgan nojo‘ya ta’sirlar: immun tizimini kuchaytirishning ayrim turlari qonda Odamning immuntanqisligi viruslari sonining ko‘payishiga olib kelishi ham mumkin. Arterial bosimning oshishi, bezovtalik, uyqusizlik (katta dozalarda qabul qilganda). Barcha formalar oddiy dorilar bilan reaksiyaga kirishib ketishi mumki. Osiyo jenshenining katta dozlari immun tizimini qiynab qo‘yishi mumkin. Yurak xastaliklari, qandli diabet, yuqori arterial bosim, homiladorlik yoki antikoagulyantlar, steroidlar yoki trankvilizatorlar qabul qilishda tavsiya etilmaydi.

§  Ko‘pgina maxsulotlar tarkibida bo‘ladi. Ammo tarkibga alohida e’tibor qaratishni tavsiya etamiz.

Melissa (Melissa officinalis)

§  Uyqusizlik va bezovtalik holatida qo‘llaniladi. Antivirus xususiyatlariga ega va gerpesga qarshi qo‘llash ham mumkin.

§  Kuzatilishi mumkin bo‘lgan nojo‘ya ta’sirlar: uzoq muddat qo‘llash natijasida qalqonsimon bez faolligi pasayishi mumkin.

§  Barra yoki quritilgan ko‘rinishda yoki choy ko‘rinishida mavjud.

Qalampirli yalpiz (Mentha piperita)

§  Ko‘ngil aynishi, ich ketish va og‘riqli defekatsiyalarda qo‘llaniladi. Qon aylanishini yaxshilab kuchli bosh og‘rig‘idan xalos etadi deb hisoblanadi.

§  Kuzatilishi mumkin bo‘lgan nojo‘ya ta’sirlar:  katta dozalarda qbul qilinganda oshqozon bezovtalanishi mumkin. Kamdan kam holatlarda toshma, jig‘ildon qaynashi, yurak urishining sekinlashishi, mushaklarning titrashi.

§  Quritilgan (shu jumladan, choy ko‘rinishida) va efir moyi ko‘rinishida mavjud.

Propolis

§  Asalarichilik mahsuloti bo‘lib u ignabargli o‘simliklar yoki daraxtlar va o‘simliklarning kurtaklaridagi smolalardan tayyorlanadi. Propolis mikroblarga qarshi tabiiy xususiyatlarga ega.

§  Propolis qo‘shilgan krem kesilgan va shilingan jarohatlar atrofiga yoki terining sezilmas darajada shikastlangan qismlariga surtish mumkin. Terida bunday zararlangan joylar OIV-infeksiyasida ham uchrashi mumkin. Shuningdek, OIV-infeksiyasiga chalingan odamlar kandidoz (til (og‘iz) oqarishi) ning oldini olish yoki uni davolash uchun xom propolisni chaynashi (yoki undan tayyorlangan eritmada og‘iz chayishi) kerak.

§  Xom holda mavjud

Sarimsoqpiyoz (Allium sativum)

§  OIV bilan bog‘liq xastaliklar, jumladan, kandidoz kabi infeksiyalar va kriptosporidium singari parazitlardan xalos bo‘lish yoki ularning profilaktikasida foydalaniladi.

§  Kuzatilishi mumkin bo‘lgan nojo‘ya ta’sirlar: ko‘p miqdorda bo‘lsa antiretrovirus preparatlar bilan reaksiyaga kirishishi mumkin. Ovqat hazm qilish traktining qichishishi va jig‘ildon qaynashiga sabab bo‘ladi. Qonida trombotsitlari miqdori kam gemofiliya bilan og‘rigan odamlar, shuningdek, burnidan tez-tez qon keladigan va ko‘p menstrual qon ketishlari kuzatiladigan odamlar uchun xavf tug‘dirishi mumkin.

§  Kapsula yoki ekstrakt ko‘rinishida mavjud. Ammo barra ko‘rinishdagisi samaraliroq.

Sharbat terapiyasi

         OIV-infeksiyasida turli o‘simliklardan tayyorlangan sharbatlar ikkita turli yo‘nalishda qo‘llaniladi. Birinchisi – OIVda uchraydigan opportunistik xastaliklar profilaktikasida va ikkinchisi – immun tizimining o‘ziga qattiq mustahkamlovchi ta’sir ko‘rsatish. Shu o‘rinda ta’kidlash joizki, bir sharbat har ikkala yo‘nalish xususiyatlariga ega bo‘lishi ham mumkin.

       Albatta, bu ma’lumot batamom inkor etuvchi xarakterga ega emas. Bizning vazifamiz o‘quvchida bu muammoga qiziqish uyg‘otish va unga o‘simliklardan tayyorlangan tabiiy shartbatlar vositasida sog‘ligini saqlash bo‘yicha universal va samarali retsept berishdir.

       Ushbu bo‘limda OIV-musbat odamlarning sogligini mustahkamlashda asqotgan sharbatlar haqida ma’lumotlar beramiz.

Sabzi sharbati

         Birinchi navbatda, ushbu sharbat immun tizimini sezilarli darajada kuchaytirish xususiyatiga ega. Xalq tabobatining ko‘p asrlik tajribasi, sabzi sharbati inson organizmining deyarli barcha infeksiyalarga qarshi kurashish xususiyatlarini kuchaytirishini ko‘rsatdi. Sabzi sharbati insonning (ya’ni immunitetning) ko‘z, tomoq kasalliklari, bosh suyagining yuz qismidagi bo‘shliq va nafas organlari xastaliklariga chidamliligini kuchaytirar ekan.

Sharbat antiseptik xususiyatlarga egaligi bois og‘iz va tomoqda yallig‘lanish bilan bog‘liq har qanday xastalikda sabzi sharbati bilan og‘izni chayish mumkin. Shuni ham yoddan chiqarmaslik kerakki, sabzi sharbatining “super xususiyatlari” sharbat tayyorlanganidan so‘ng 15 daqiqagacha saqlanib turadi xolos! Yangi tuyilgan (bo‘tqa ko‘rinishiga keltirilgan) sabzini infeksiya tushgan yaralarga, furunkulalarga, turli etiologiyalardagi infeksiya tushgan yaralarning ustiga qo‘yish mumkin. Sabzi sharbati sil kasalligining boshlang‘ich formasi va bronxlarning turli xastaliklarini davolash yoki ularning profilaktikasida muvaffaqiyatli qo‘llash ham mumkin.

Ukraina Tibbiyot fanlari Akademiyasining L.V. Gormashevskiy nomidagi epidemiologiya va yuqumli kasalliklar instituti klinikasida joylashgan OIV/OITS bo‘linmasi bemorlarida sabzi va boshqa sabzavotlar bilan o‘tkazilgan 10 yillik tajriba natijalari insonni hayron qoldiradi. Tajriba OIV-infeksiyasi bilan og‘rigan odamga sharbat terapiyasi kutilganidan ham ijobiyroq ta’sir ko‘rsatganidan dalolat beradi. Buni quyidagi misol bilan tushuntirish mumkin. Bemorlardan biri bo‘linmaga OIV-infeksiyasining o‘tkazib yuborilgan formasi bilan keldi. Immunobloting bemorning immun tizimi odamning immunitet tanqisligi virusining tibbiyotga ma’lum oqsillarining yarmidan ko‘piga qarshi antitelalar ishlab chiqishni to‘xtatganini ko‘rsatdi. CD4 hujayralari soni ham kamayib ketgandi (50 dan past). Bemor ikki oy mobaynida sharbat terapiyasini olganidan so‘ng o‘tkazilgan takroriy immunobloting bemor qonida odatda immun tizimi ishlab chiqaradigan barcha antitelalar paydo bo‘lganini qayd etdi. Uning qonidagi gemoglobin miqdori esa fiziologik me’yorgacha ko‘tarilgandi. Bemor bir necha kilogrammga semirib undagi uyquchilik va horg‘inlik sezilarli darajada pasaydi. Bunga ishonish qiyin edi.

Hozirda sharbatlardagi aynan qanday moddalar immun tizimiga ta’sir ko‘rsatishi ma’lum emas. Ammo sabzi fitonsidlari haqidagi masala yaxshi o‘rganilgan. Fitonsidlar – o‘ziga xos o‘simliklar antibiotigi bo‘lib, yaxshiyamki, ular insonga zaharli ta’sir ko‘rsatmaydi. Biroq fitonsidlar turli patogen mikroorganizmlarga qarshi ayovsiz va samarali kurashadi. Sabzi tarkibida fitonsidlar miqdori juda ham yuqori bo‘lib, ushbu sabzavot fitonsidlar miqdoriga ko‘ra faqat sarimsoqpiyozdan keyin turadi xolos. Bu borada o‘simliklar orasida sarimsoqpiyozga teng keladigani yo‘q. Ammo sarimsoqpiyozni sabzichalik ko‘p iste’mol qilib bo‘lmaydi. Qolaversa og‘izdan nohush hid kelishi muammosi ham bor.

        Sabzi sharbati tarkibida vitaminlar (birinchi navbatda A vitamini, karotinlar va boshq.) va mikroelementlar miqdorining yuqoriligi uni kamqonlik, ayrim yurak, qon-tomir xastaliklari, xususan, miokard infarkti, jigar va oshqozon yo‘llari, jumladan, oshqozon toshi xastaliklari, buyrak toshi, oshqozon va ichak trakti kasalliklariga qarshi kurashishda ajoyib, arzon va xavfsiz vositaga aylantiradi. A vitamini, karotin va boshqa ayrim moddalar qator teri xastaliklarini davolashda yaxshi samara beradi va kosmetik maqsadlarda ham foydalanish mumkin. Shuningdek, sabzi va undan tayyorlangan sharbatning saraton xastaliklariga qarshilik ko‘rsatish xususiyatini alohida e’tirof etish joiz. Saratonning turli formalari bilan og‘rigan odamlarni davolashda sabzi sharbati va xom sabzini qo‘llash orqali yaxshi natijalarga erishilganiga ko‘plab misollar mavjud. OIV-infeksiyasiga chalingan odam organizmida onkologik jarayonlarning rivojlanishidan ogoh qilishda sabziga yetadigan profilaktik vosita yo‘q.

Quyida biz kuzatuvlar va amaliy tadbirlar davomida eng universal va yaxshi natija beruvchi deb topilgan sabzi aralashmasi retseptini keltirib o‘tamiz.

300-400 ml. dorivor sabzi aralashmasi uchun:

§  150-200 ml. sabzi sharbati (faqat yangi tayyorlangani);

§  35-50 ml. qizil lavlagi sharbati (aralashma tayyorlashdan avval taxirligi yo‘qolishi  uchun ma’lum vaqt (0,5-2 soat) mobaynida tindirib qo‘yish lozim. Agar lavlagi ta’bga yoqmasa yoki allergik reaksiyalar kuzatilsa dastlab uning miqdorini 1-2 choy qoshiqqacha kamaytirish mumkin);

§  50-100 ml. olma sharbati (har qanday olma sharbati, qishda xatto uy sharoitida yopilgan (marinadlangan) yoki konservalangani ham bo‘ladi);

§  30-100 ml. qovoq sharbati (ta’bga qarab)

Eng asosiysi! Tayyorlangan aralashmadagi biologik kalsiy hazm qilish tizimiga yaxshi so‘rilishi uchun aralashmaga bir choy qoshiq yoki osh qoshiqda asal (faqat tabiiy bo‘lishi kerak) qo‘shish lozim. Asal shuningdek, sharbatlar aralashmasining ta’mi yoqimliroq bo‘lishiga xizmat qiladi.

Ushbu sharbatlar kokteylini qabul qilish bilan bir vaqtda bir choy qoshiqda sifatli o‘simlik yog‘ini ham iste’mol qilish kerak. Zaytun moyi yaxshiroq samaraga ega.

     Davolash samarasiga ega bo‘lish uchun mazkur sharbatlar aralashmasini bir kunda kamida 2 mahal, ovqatdan 30-40 daqiqa avval, profilaktika uchun esa bir kunda bir mahal qabul qilish maqsadga muvofiq. OIV-infeksiyasi bor bemorlarning ko‘pchiligida davo alomatlari sharbatlar kokteyli muntazam qabul qilingan holatlarda 1-2 oydan so‘ng sezilishi kuzatuvlar natijasida aniqlangan. Davo samarasiga erishish uchun ushbu sharmatlar aralashmasini bir kunda kamida 600-1000 ml.dan ichishni tavsiya etamiz. Sharbatlar kokteyli bilan davolash jarayoni avvalida aralashmani kamroq miqdorda – 50-100 ml.dan ichish lozim. Bu sizda allergik reaksiyalar yo‘qligiga ishonch hosil qilsh imkonini beradi. Oshqozon-ichak trakti bilan bog‘liq ayrim xastaliklarida aralashmaga 1:2 proporsiyada suv qo‘shish tavsiya etiladi.

Har qanday holatda ham sharbatlar bilan davolanishdan avval davolovchi shifokoringiz bilan albatta maslahatlashing.

Sharbatlarning xususiyatlari

         Mutaxassislar OIV-infeksiyasi bilab bog‘liq turli xasatliklar (o‘pkaning virus, bakterial xastaliklari, teri, ko‘z, ovqat hazm qilish tizimi kasalliklari va boshq.) ni davolashda qo‘llaniladigan yangi siqilgan sharbatlar va sharbatli aralashmalarning aniq retseptlarining xususiyatlari haqida ko‘plab qiziqarli ma’lumotlar to‘plashgan.

        Bu sharbatlarning eng qiziq va qadrli xususiyati shunda ekanki, ularda radionuklidlar va og‘ir metallar ionlari bo‘lmaskan. Bunday zararli moddalar sabzavot yoki meva hujayralarining qobiqlarida bo‘ladi va sharbatni siqib chiqarish natijasida bu qobiqlar yo‘qolib ketadi. Vaholanki, qaysidir eritmani sun’iy-kimyoviy tozalash uchun katta kuch va mablag‘ sarf etishga to‘g‘ri keladi. Bunday holatda xizmat bahosi sharbatning bahosidan ham oshib ketadi.

Antiretrovirus terapiya va sharbat terapiyasining nojo‘ya ta’sirlari

         Yuqorida ta’kidlanganidek, barcha antiretrovirus preparatlar ko‘p hollarda turli-tuman nojo‘ya ta’sirlarni yuzaga keltiradi. Afusuki, hozirgi kunda rasmiy medetsinada bu nojo‘ya ta’sirlar bilan kurashish imkonini beruvchi vositalar juda kam yoki ayrim holatlarda (masalan, lipodistrofiyda) umuman yo‘q. Tavsiya etilgan dozadagi kichik o‘zgarish ham yo ushbu preparatlarga nisbatan viruslar rezistentligining oshishiga (agar qabul qilingan doza belgilanganidan kam bo‘lsa) yo og‘ir oqibatlarni keltirib chiqaruvchi nojo‘ya ta’sirlar, jumladan, bemorning ushbu preparatlar bilan zaharlanishiga (agar shifokor tomonidan belgilan dozadan oshirib yuborilsa) olib keladi. Bunday holatda muayyan sharbatlar aralashmalarini qabul qilish ARV-preparatlari chaqiradigan ayrim nojo‘ya ta’sirlarga qarshi kurashishda asqotishi ham mumkin.

                 

Diareya (ich ketishi) bilan kurashish uchun quyidagi sharbatlarni tavsiya etish mumkin:

1.   Anorning shirin navlaridan tayyorlangan sharbat bir kunda 3 mahal – 1/3 stakan + 1 osh qoshiqda tabiiy asal bilan.

2.   Qora qorag‘at (smorodina) sharbati bir kunda 3 mahal – 1/3 stakan.

3.   Chernika sharbati bir kunda 3-5 mahal – 1/2 stakan. Diareyaga qarshi kurashish uchun chernikaning quritilgan mevalari, konservalangan chernika kompotlari, jemlari va boshq. Chernika sharbati ichak faoliyatini yaxshilash xususiyatiga ega: u diareyani to‘xtatib qabziyat (ich qotish) da ham yoram beradi. U shuningdek, ko‘z kasalliklari, qandli diabet va boshqa ko‘plab xastaliklarda foyda beradi.

4.   Nok mevalaridan tayyorlangan sharbatni organizm talab qilgancha ichish mumkin. Sharbatning qabul qilish dozalari adabiyotda aniq ko‘rsatilmagan.

5.   Maymunjonning pishmagan mevalaridan tayyorlangan sharbat ham diareyada yaxshi samara beradi. Biroq maymunjon sharbatining qabul qilish dozalari aniq emas. Boshlanishiga 1-2 osh qoshiq yangi tayyorlangan sharbat ichish va agar organizmingiz maymunjonga nisbatan salbiy reaksiya ko‘rsatmasa asta-sekin dozani ko‘paytirib borish tavsiya etiladi.

Yodda tuting! Sharbatlarni dastlab kam-kamdan – 20-50 ml. ichishni boshlang va organizmingiz ushbu sharbatni yaxshi qabul qilsa asta-sekin dozani ko‘paytirib boring.

Sharbat terapiyasi va sil kasalligi

         Sil kasalligi OIV-infeksiyasi bilan yonma-yon yuradigan xastalik hisoblanadi. Bu kasallikda sharbat terapiyasi yaxshi natijalar berishi mumkin. Ayrim mualliflar Silning boshlang‘ich bosqichlarida quyidagi retseptni tavsiya etishadi: yaxshilab yuvib keyin tozalangan 2 ta sabzi, 1 ta turp, 2 ta karam yaprog‘ini birgalikda sharbat tayyorlagichdan chiqarish kerak. Tayyor bo‘lgan sharbatni shoshmasdan, kichik qultumlarda yutish lozim. Shu bilan birga qo‘shimcha ravishda 1 kunda 2-3 stakan qovoq sharbatini ham ichib turish foyda beradi!*

OIV-infeksiyasining onkologik asoratlarini profilaktika qilish uchun qoncho‘p (чистотел) o‘simligi sharbatini tavsiya etish mumkin: o‘simlikning yashil qismlaridan tayyorlangan sharbatni aroqqa aralashtirib bir kunda 2-3 mahal 1 choy qoshiqdan ichishadi (sharbat uchun qoncho‘pni gullaganda, urug‘ tugmasdan terib olish kerak. Aks holda qoncho‘p o‘ta zaharli o‘simlikka aylanadi!).**

Yakunda yana bir bor eslatib o‘tamizki, sharbat terapiyasini faqat davolovchi shifokor nazorati ostida qabul qilish kerak!